ନୂଆଦିଲ୍ଲୀ, (ଓଡିଶା ଟାଇମ୍): ଜାତୀୟ ଦ୍ରୁତଗାମୀ ରେଳ ନିଗମ ଲିମିଟେଡ (ଏନ୍. ଏଚ୍. ଏସ୍. ଆର୍. ସି. ଏଲ୍.) ଦିଲ୍ଲୀ-ଅମୃତସର ଦ୍ରୁତଗାମୀ ରେଳ କରିଡର ପ୍ରକଳ୍ପ ପାଇଁ ଏରିଆଲ୍ ଲିଡାର ସର୍ଭେ ଏବଂ ଅନ୍ୟାନ୍ୟ ଭିତ୍ତିଭୂମି ସମ୍ବନ୍ଧୀୟ କାର୍ଯ୍ୟ ସମେତ ଆଲାଇନ୍ମେଣ୍ଟ ଡିଜାଇନ୍ ପାଇଁ ଯୋଗ୍ୟ ଆବେଦନକାରୀଙ୍କ ଠାରୁ ଅନଲାଇନ୍ ଖୋଲା ଇ-ଟେଣ୍ଡର ଆହ୍ୱାନ କରିଛି। ହାଇସ୍ପିଡ୍ ରେଳ କରିଡରର ମୋଟ ଦୈର୍ଘ୍ୟ 459 କିଲୋମିଟର ହେବ।
ହାଇସ୍ପିଡ୍ ରେଳ କରିଡରର ବିକାଶ ଦ୍ୱାରା ନୂଆଦିଲ୍ଲୀ ଏବଂ ଅମୃତସର ମଧ୍ୟରେ ଯାତ୍ରା ସମୟ ଯଥେଷ୍ଟ ହ୍ରାସ ପାଇବ। ନିଲାମ ଡାକ ଦାଖଲ କରିବାର ଶେଷ ତାରିଖ ହେଉଛି 28 ଡିସେମ୍ବର 2020 ଏବଂ ନିଲାମ ଡାକ 29 ଡିସେମ୍ବର 2020 ରେ ଖୋଲାଯିବ। ଇତି ମଧ୍ୟରେ, ମୁମ୍ବାଇ ଏବଂ ଅହମ୍ମଦାବାଦ ମଧ୍ୟରେ ବୁଲେଟ୍ ଟ୍ରେନ୍ ପ୍ରକଳ୍ପର 72 ପ୍ରତିଶତ ଚୁକ୍ତିନାମା ଘରୋଇ ସଂସ୍ଥାଗୁଡ଼ିକ ଦ୍ୱାରା 'ଆତ୍ମନିର୍ଭର ଭାରତ' କୁ ପ୍ରୋତ୍ସାହିତ କରିବା ପାଇଁ ରେଳବାଇର ପ୍ରୟାସର ଏକ ଅଂଶ ଭାବରେ ଗ୍ରହଣ କରାଯିବ ବୋଲି ରେଳବାଇ ବୋର୍ଡର ଅଧ୍ୟକ୍ଷ ଭି. କେ. ଯାଦବ ଶୁକ୍ରବାର ଦିନ କହିଛନ୍ତି। 508 କିଲୋମିଟର ଦୀର୍ଘ ହାଇସ୍ପିଡ୍ ରେଳ କରିଡର ପ୍ରକଳ୍ପ ପାଇଁ ଆନୁମାନିକ ₹1.10 ଲକ୍ଷ କୋଟି ଟଙ୍କା ମଧ୍ୟରୁ ₹88,000 କୋଟି ଟଙ୍କା ଭାରତକୁ ଜାପାନ ଆନ୍ତର୍ଜାତୀୟ ସହଯୋଗ ଏଜେନ୍ସି (ଜାଇକା) ଦ୍ୱାରା ଋଣ ଭାବରେ ଦିଆଯିବ।
ଶ୍ରୀ ଯାଦବ କହିଛନ୍ତି, "ଜାପାନ ସରକାରଙ୍କ ସହ ଏକ ବିସ୍ତୃତ ଆଲୋଚନା ପରେ, ଆମେ ଭାରତୀୟ ଠିକାଦାରମାନଙ୍କ ପାଇଁ ସମ୍ପୂର୍ଣ୍ଣ ଚୁକ୍ତି ମୂଲ୍ୟର 72 ପ୍ରତିଶତ ଉନ୍ମୁକ୍ତ କରିଛୁ, ଯେଉଁଥିରେ ସେତୁ, ସମୁଦ୍ର ତଳେ ଥିବା ସୁଡ଼ଙ୍ଗ ସମ୍ବନ୍ଧୀୟ ଚୁକ୍ତି ସମେତ ସମସ୍ତ ସିଭିଲ୍ ଇଞ୍ଜିନିୟରିଂ କାର୍ଯ୍ୟ ଅନ୍ତର୍ଭୁକ୍ତ, ଯେତେବେଳେ କି ଜାପାନୀ ଠିକାଦାରମାନଙ୍କ ପାଇଁ ଚୁକ୍ତି କେବଳ ସିଗନାଲ ଏବଂ ଟେଲିକମ୍, ପ୍ରାରମ୍ଭିକ ରୋଲିଂ ଷ୍ଟକ୍ ଏବଂ ବୈଦ୍ୟୁତିକ କାର୍ଯ୍ୟ ପର୍ଯ୍ୟନ୍ତ ସୀମିତ |
ସେ କହିଥିଲେ, "ରେଳବାଇ 'ଆତ୍ମନିର୍ଭର ଭାରତ" ର ଏହି ଲକ୍ଷ୍ୟକୁ ବ୍ୟାପକ ଭାବେ ହାସଲ କରିବାକୁ ଯାଉଛି ଏବଂ ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଉଛି, ରେଳବାଇ ସମନ୍ୱିତ ଢଙ୍ଗରେ ଭିତ୍ତିଭୂମିର ବିକାଶ ଏପରି ଭାବେ କରୁଛି, ଯାହାଦ୍ୱାରା ଆମେ 2050 ମସିହା ପର୍ଯ୍ୟନ୍ତ ଯାତାୟାତ ଆବଶ୍ୟକତାକୁ ପୂରଣ କରିବାରେ ସକ୍ଷମ ହେବୁ। ଅଧ୍ୟକ୍ଷ କହିଲେ ଯେ ଜମି ଅଧିଗ୍ରହଣ କାରଣରୁ ମୁମ୍ବାଇ-ଅହମ୍ମଦାବାଦ ବୁଲେଟ୍ ଟ୍ରେନ୍ ପ୍ରକଳ୍ପ ବିଳମ୍ବ ହେଉଛି।
ଗୁଜରାଟରେ 90 ପ୍ରତିଶତ ଜମି ଅଧିଗ୍ରହଣ ହୋଇସାରିଛି ଏବଂ ଅବଶିଷ୍ଟ 10 ପ୍ରତିଶତ ଜମି ଡିସେମ୍ବର 31 ସୁଦ୍ଧା ଉପଲବ୍ଧ ହେବ। ଶ୍ରୀ ଯାଦବ କହିଥିଲେ, "ରେଳବାଇ 'ଆତ୍ମନିର୍ଭର ଭାରତ" ର ଏହି ଲକ୍ଷ୍ୟକୁ ବ୍ୟାପକ ଭାବେ ହାସଲ କରିବାକୁ ଯାଉଛି ଏବଂ ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଉଛି, ରେଳବାଇ ସମନ୍ୱିତ ଢଙ୍ଗରେ ଭିତ୍ତିଭୂମି ବିକାଶ କରୁଛି, ଯାହାଦ୍ୱାରା ଆମେ 2050 ମସିହା ପର୍ଯ୍ୟନ୍ତ ଯାତାୟାତ ଆବଶ୍ୟକତା ପୂରଣ କରିବାରେ ସକ୍ଷମ ହେବୁ