ਇਹ ਖ਼ਬਰ ਸੁਣੋ
0:00
ਭਾਰਤੀ ਰੇਲਵੇ ਨੇ 2030 ਤੱਕ ਭਾਰਤ ਵਿੱਚ ਰੇਲਵੇ ਨੈੱਟਵਰਕ ਨੂੰ ਭਵਿੱਖ ਲਈ ਤਿਆਰ ਕਰਨ ਦੇ ਉਦੇਸ਼ ਨਾਲ ਭਾਰਤ ਲਈ ਇੱਕ ਰਾਸ਼ਟਰੀ ਰੇਲ ਯੋਜਨਾ (ਐੱਨ. ਆਰ. ਪੀ.) ਦਾ ਖਰਡ਼ਾ ਤਿਆਰ ਕੀਤਾ ਹੈ। ਇਸ ਯੋਜਨਾ ਦਾ ਉਦੇਸ਼ ਸੰਚਾਲਨ ਸਮਰੱਥਾ ਅਤੇ ਨੀਤੀਗਤ ਪਹਿਲਕਦਮੀਆਂ ਦੇ ਅਧਾਰ 'ਤੇ ਮਾਲ ਆਵਾਜਾਈ ਵਿੱਚ ਭਾਰਤੀ ਰੇਲਵੇ ਦੀ ਹਿੱਸੇਦਾਰੀ ਵਧਾਉਣ ਲਈ ਰਣਨੀਤੀਆਂ ਤਿਆਰ ਕਰਨ ਦੇ ਨਾਲ-ਨਾਲ ਮੰਗ ਤੋਂ ਪਹਿਲਾਂ ਸਮਰੱਥਾ ਦਾ ਨਿਰਮਾਣ ਕਰਨਾ ਹੈ। ਇਸ ਯੋਜਨਾ ਦੇ ਮੁੱਖ ਉਦੇਸ਼ ਹਨ -
- ਮਾਲ ਢੁਆਈ ਵਿੱਚ ਰੇਲਵੇ ਦੀ ਹਿੱਸੇਦਾਰੀ ਨੂੰ ਮੌਜੂਦਾ 27 ਪ੍ਰਤੀਸ਼ਤ ਤੋਂ ਵਧਾ ਕੇ 45 ਪ੍ਰਤੀਸ਼ਤ ਕਰਨਾ ਅਤੇ ਇਸ ਨੂੰ ਕਾਇਮ ਰੱਖਣਾ।
- ਭਾਰਤ ਵਿੱਚ ਮਾਲ ਗੱਡੀਆਂ ਦੀ ਔਸਤ ਗਤੀ ਇਸ ਵੇਲੇ 23 ਕਿਲੋਮੀਟਰ ਪ੍ਰਤੀ ਘੰਟੇ ਤੋਂ ਵਧਾ ਕੇ 50 ਕਿਲੋਮੀਟਰ ਪ੍ਰਤੀ ਘੰਟੇ ਕੀਤੀ ਜਾਵੇ
- ਸਾਲ 2024 ਤੱਕ ਭਾਰਤੀ ਰੇਲਵੇ ਦੇ ਸਾਰੇ ਰੂਟਾਂ 'ਤੇ 100 ਪ੍ਰਤੀਸ਼ਤ ਬਿਜਲੀਕਰਨ ਦਾ ਟੀਚਾ ਹਾਸਲ ਕਰਨਾ।
- ਦਿੱਲੀ-ਹਾਵਡ਼ਾ ਅਤੇ ਦਿੱਲੀ-ਮੁੰਬਈ ਮਾਰਗਾਂ ਉੱਤੇ ਗਤੀ ਵਧਾ ਕੇ 160 ਕਿਲੋਮੀਟਰ ਪ੍ਰਤੀ ਘੰਟਾ ਅਤੇ ਹੋਰ ਸਾਰੇ ਸੁਨਹਿਰੀ ਚਤੁਰਭੁਜ-ਸੁਨਹਿਰੀ ਵਿਕਰਣ (ਜੀ. ਕਿਊ./ਜੀ. ਡੀ.) ਮਾਰਗਾਂ ਉੱਤੇ ਗਤੀ ਵਧਾ ਕੇ 130 ਕਿਲੋਮੀਟਰ ਪ੍ਰਤੀ ਘੰਟਾ ਕੀਤੀ ਜਾ ਰਹੀ ਹੈ।
- ਸਾਰੇ ਜੀ. ਕਿਊ./ਜੀ. ਡੀ. ਮਾਰਗਾਂ ਉੱਤੇ ਸਾਰੇ ਪੱਧਰ ਦੇ ਕਰਾਸਿੰਗਾਂ ਨੂੰ ਖਤਮ ਕਰਨਾ।
- ਨਵੇਂ ਸਮਰਪਿਤ ਮਾਲ ਲਾਂਘੇ (ਡੀ. ਐੱਫ. ਸੀ.) ਅਤੇ ਨਵੇਂ ਹਾਈ ਸਪੀਡ ਰੇਲ ਲਾਂਘੇ (ਐੱਚ. ਐੱਸ. ਆਰ.) ਦੀ ਪਛਾਣ।
- ਭੀਡ਼-ਭਡ਼ੱਕੇ ਵਾਲੇ ਮਾਰਗਾਂ ਉੱਤੇ ਮਲਟੀ ਟਰੈਕਾਂ ਦਾ ਨਿਰਮਾਣ।
- ਮਾਲ ਢੁਆਈ ਅਤੇ ਯਾਤਰੀਆਂ ਦੀ ਆਵਾਜਾਈ ਲਈ ਇੰਜਣਾਂ, ਵੈਗਨਾਂ ਅਤੇ ਕੋਚਾਂ ਸਮੇਤ ਰੋਲਿੰਗ ਸਟਾਕ ਦੀ ਜ਼ਰੂਰਤ ਦਾ ਮੁਲਾਂਕਣ ਕਰਨਾ ਅਤੇ 100 ਪ੍ਰਤੀਸ਼ਤ ਬਿਜਲੀਕਰਨ ਅਤੇ ਮਾਲ ਦੀ ਹਿੱਸੇਦਾਰੀ ਵਧਾਉਣ ਦੇ ਦੋਹਰੇ ਉਦੇਸ਼ਾਂ ਨੂੰ ਪ੍ਰਾਪਤ ਕਰਨਾ
- ਰੇਲਵੇ ਸੰਚਾਲਨ ਅਤੇ ਰੋਲਿੰਗ ਸਟਾਕ ਦੇ ਵੱਖ-ਵੱਖ ਖੇਤਰਾਂ ਵਿੱਚ ਨਿਜੀ ਖੇਤਰ ਦੀ ਸ਼ਮੂਲੀਅਤ।
- ਮਾਲ ਢੁਆਈ ਅਤੇ ਯਾਤਰੀ ਟਰਮੀਨਲਾਂ ਦੇ ਨਾਲ-ਨਾਲ ਟਰੈਕ ਬੁਨਿਆਦੀ ਢਾਂਚੇ ਦਾ ਵਿਕਾਸ।
ਐੱਨ. ਆਰ. ਪੀ. ਤਹਿਤ ਵੱਡੀ ਗਿਣਤੀ ਵਿੱਚ ਪ੍ਰੋਜੈਕਟ ਪਹਿਲਾਂ ਹੀ ਸ਼ੁਰੂ ਹੋ ਚੁੱਕੇ ਹਨ ਅਤੇ ਕਈ ਪਾਈਪਲਾਈਨ ਵਿੱਚ ਹਨ।