ਮੱਧ ਪ੍ਰਦੇਸ਼ ਪਾਵਰ ਟਰਾਂਸਮਿਸ਼ਨ ਕੰਪਨੀ ਲਿਮਟਿਡ (ਐੱਮ. ਪੀ. ਪੀ. ਟੀ. ਸੀ. ਐੱਲ.) ਨੇ ਆਪਣੇ ਤਿੰਨ ਗਰਿੱਡ ਸਟੇਸ਼ਨ ਇੰਦੌਰ ਦੇ ਮੈਟਰੋ ਰੇਲ ਪ੍ਰਾਜੈਕਟਾਂ ਨੂੰ ਸਮਰਪਿਤ ਕਰਨ ਦਾ ਐਲਾਨ ਕੀਤਾ ਹੈ। 220/132 ਕੇਵੀ ਦੀ ਵਾਧੂ ਹਾਈ-ਟੈਂਸ਼ਨ ਪਾਵਰ ਦੇਪਾਲਪੁਰ, ਜੈਤਪੁਰਾ ਅਤੇ ਮੰਗਲੀਆ ਖੇਤਰਾਂ ਵਿੱਚ ਹੋਵੇਗੀ।
ਐੱਮ. ਪੀ. ਪੀ. ਸੀ. ਟੀ. ਐੱਲ. ਦੇ ਅਧਿਕਾਰੀਆਂ ਅਨੁਸਾਰ ਮੈਟਰੋ ਰੇਲ ਪ੍ਰੋਜੈਕਟ ਦੇ ਪਹਿਲੇ ਪਡ਼ਾਅ ਵਿੱਚ ਗਰਿੱਡ ਸਟੇਸ਼ਨਾਂ ਨੂੰ ਅਪਗ੍ਰੇਡ ਕੀਤਾ ਜਾਵੇਗਾ ਅਤੇ ਤਿੰਨ ਸਬ-ਸਟੇਸ਼ਨਾਂ ਨਾਲ ਜੋਡ਼ਿਆ ਜਾਵੇਗਾ। ਇੰਦੌਰ ਮੈਟਰੋ ਰੇਲ ਪ੍ਰੋਜੈਕਟ ਲਈ ਐੱਮ. ਆਰ. 10, ਗਾਂਧੀ ਨਗਰ ਅਤੇ ਖਜਰਾਨਾ ਨਵੇਂ ਪ੍ਰਸਤਾਵਿਤ ਸਬ ਸਟੇਸ਼ਨ ਹਨ। ਐੱਮ. ਪੀ. ਪੀ. ਟੀ. ਸੀ. ਐੱਲ. ਦੇ ਬੁਲਾਰੇ ਸ਼ਸ਼ੀਕਾਂਤ ਓਝਾ ਨੇ ਦੱਸਿਆ ਕਿ ਇਨ੍ਹਾਂ ਨਵੇਂ ਸਬ-ਸਟੇਸ਼ਨਾਂ ਨੂੰ ਮੰਗਲੀਆ, ਜੈਤਪੁਰ ਅਤੇ ਦੇਪਾਲਪੁਰ ਦੇ ਵਾਧੂ ਹਾਈ-ਟੈਂਸ਼ਨ ਗਰਿੱਡਾਂ ਤੋਂ ਬਿਜਲੀ ਦੀ ਵੱਡੀ ਸਪਲਾਈ ਮਿਲੇਗੀ।
ਐੱਮ. ਪੀ. ਪੀ. ਟੀ. ਸੀ. ਐੱਲ. ਅਤੇ ਮੱਧ ਪ੍ਰਦੇਸ਼ ਮੈਟਰੋ ਰੇਲ ਕਾਰਪੋਰੇਸ਼ਨ ਸਮਝੌਤੇ ਦੇ ਅਨੁਸਾਰ, ਨਵਾਂ ਬਣਾਇਆ ਗਿਆ ਗਰਿੱਡ ਮੈਟਰੋ ਰੇਲ ਪ੍ਰੋਜੈਕਟਾਂ ਨੂੰ ਸਮਰਪਿਤ ਕੀਤਾ ਜਾਵੇਗਾ। ਉਨ੍ਹਾਂ ਇਹ ਵੀ ਐਲਾਨ ਕੀਤਾ ਕਿ ਐੱਮ. ਪੀ. ਪੀ. ਟੀ. ਸੀ. ਐੱਲ. ਨੂੰ ਇਸ ਪ੍ਰੋਜੈਕਟ ਤਹਿਤ ਯੋਜਨਾਬੱਧ ਹਰੇਕ ਸਬ ਸਟੇਸ਼ਨ ਲਈ ਐੱਮ. ਪੀ. ਮੈਟਰੋ ਰੇਲ ਕਾਰਪੋਰੇਸ਼ਨ ਲਿਮਟਿਡ ਤੋਂ 40 ਐੱਮ. ਵੀ. ਏ. ਦੀ ਭਾਰੀ ਮੰਗ ਪ੍ਰਾਪਤ ਹੋਈ ਸੀ।